Վրաստանում պետական հեղաշրջում է նախապատրաստվում. Պապուաշվիլի
Վրաստանի խորհրդարանի նախագահ Շալվա Պապուաշվիլին լրագրողներին հայտնել է, որ երկրում կա մի խումբ, որը հեղաշրջում է նախապատրաստում հոկտեմբերի 26-ի խորհրդարանի ընտրությունից հետո՝ հայտնել են վրացական լրատվամիջոցները:
Պապուաշվիլին նշել է, որ պետական հեղաշրջում էր ծրագրվել նաև 2020 թվականի խորհրդարանի ընտրությունից հետո։ Նրա խոսքով՝ այս անգամ չարագործները դիտորդական ոչ կառավարական կազմակերպությունների օգնությամբ մտադիր են կեղծ զեկույցներ կազմել ընտրությունների անցկացման մասին, որպեսզի երկրում անկարգությունների «կեղծ առիթ» ստեղծեն:
«Հակաժողովրդավարական ճանապարհով իշխանությունը զավթելու նախապատրաստական աշխատանքներ են տարվում, և դրանում ներգրավված են տեղական դիտորդական կազմակերպությունները»,- ընդգծել է խոսնակը։
