ՀՀ ԱԳՆ-ն մտահոգ է ԱԺ պատգամավորների` Արցախ մուտքը չթույլատրելու փաստով 12.04.2022 news Հայաստան
ՀՀ ԱԳՆ-ն մտահոգ է ԱԺ պատգամավորների` Արցախ մուտքը չթույլատրելու փաստով
Հայաստանի Հանրապետության ԱԳ նախարարությունը մտահոգված է այն փաստով, որ Լեռնային Ղարաբաղում ՌԴ խաղաղապահ զորախմբի ծառայողները չեն թույլատրել ՀՀ Ազգային ժողովի մի խումբ պատգամավորների մուտքը Լեռնային Ղարաբաղ: Այս մասին ասված է ՀՀ ԱԳՆ տարածած հաղորդագրության մեջ:
«Նշված գործողությունը հակասում է 2020թ. նոյեմբերի 9-ի եռակողմ հայտարարությանը, որով նախատեսվում է Լաչինի միջանցքով Լեռնային Ղարաբաղի անխափան կապը Հայաստանի հետ: Հայտարարության բոլոր կողմերը պետք է խստորեն հետևեն դրա տառին և ոգուն, ինչպես նաև իրականացնեն ստանձնած պարտավորությունները»,- հայտնում են ՀՀ ԱԳՆ-ից:
