ԱՄՆ-ին ենք փոխանցել Ուկրաինայի կողմից էներգետիկ օբյեկտներին հարվածների մասին տեղեկատվությունը. Լավրով
Ռուսաստանը Թրամփի խորհրդական Մայք Ուոլցին և ԱՄՆ պետքարտուղար Մարկո Ռուբիոյին տեղեկություն է փոխանցել Ուկրաինայի կողմից էներգետիկ օբյեկտներին հարվածների մորատորիումի խախտումների մասին՝ հայտարարել է ՌԴ ԱԳ նախարարը:
Սերգեյ Լավրովի խոսքով՝ պաշտպանության նախարար Անդրեյ Բելոուսովն Անվտանգության խորհրդի նիստում հայտնել է, որ մորատորիումը չի պահպանվում, Ռուսաստանի էներգետիկ օբյեկտներն անօդաչուների հարձակման են ենթարկվում: Լավրովը պնդել է, որ ռուսական բանակը պահպանում է մորատորիումը։
Լավրովի խոսքով՝ նա ամերիկացի պաշտոնյաներին է ուղարկել այդ տեղեկությունները, որպեսզի ցույց տա, որ Ուկրաինայի իշխանությունների խոսքը արժեք չունի:
ՌԴ ԱԳ նախարարը տեղեկացրել է, որ նախապատրաստվում Է Ռուսաստանի և ԱՄՆ-ի ներկայացուցիչների երկրորդ հանդիպումը:
