Մյանմարում տեղի ունեցած երկրաշարժի զոհերի թիվը հասնում է 3 հազարի
Մյանմարում տեղի ունեցած երկրաշարժի զոհերի թիվը հասել է 2886-ի, ևս 4639-ը տուժել են, 373 մարդ էլ համարվում է անհետ կորած, հայտնում է Xinhua-ն՝ վկայակոչելով երկրի Պետական վարչական խորհրդի մամուլի ծառայությանը։
Մարդասիրական և իրավապաշտպան կազմակերպություններն ակնկալում են, որ զոհերի թիվը կգերազանցի 3000-ը, հաղորդում է Reuters-ը:
ՄԱԿ-ը, որպես օգնություն, 5 միլիոն դոլար է հատկացրել Մյանմարին և աղետից տուժած մյուս շրջաններին: Փրկարարական-որոնողական աշխատանքները շարունակվում են:
