Ռուսաստանը Ադրբեջանի հետ իր հարցերը լուծում է երկկողմ խողովակներով․ Զախարովան՝ Բաքվի կողմից Կիևին աջակցելու մասին
Ռուսաստանը տարբեր երկրների հետ իր խնդրահարույց հարցերը լուծում է երկկողմ խողովակներով։ Այդ մասին նշել է ՌԴ ԱԳՆ պաշտոնական ներկայացուցիչ Մարիա Զախարովան՝ ճեպազրույցի ժամանակ անդրադառնալով Ադրբեջանի կողմից Ուկրաինային բացահայտ աջակցություն ցուցաբերելու վերաբերյալ հարցին։
«Լինում են իրավիճակներ, երբ ոչ բարեկամական երկրներն արգելափակում են շփումները, հրաժարվում են երկխոսությունից։ Դա չի վերաբերում Ադրբեջանի հետ մեր երկխոսությանը: Ուստի հարցերը լուծում ենք երկկողմ ձևաչափով»,- ասել է Զախարովան:
