Սեուլը ջանքեր է գործադրում Իրանի սառեցված միջոցները վերադարձնելու ուղղությամբ․ Կորեայի ԱԳ նախարար
Հարավային Կորեայի արտաքին գործերի նախարար Պակ Չինը Իրանի իր պաշտոնակից Հոսեյն Ամիր Աբդոլլահիանի հետ հեռախոսազրույցի ժամանակ հայտարարել է, որ հարավկորեական բանկերում սառեցված ֆինանսական ակտիվները պատկանում են Իրանի ժողովրդին: Այդ մասին հայտնել է Կորեայի Հանրապետության ԱԳՆ-ը։
«Պակ Չինն ասել է, որ Սեուլը բոլոր հնարավոր ջանքերը գործադրում է սառեցված միջոցները փոխանցելու համար՝ հստակ հասկանալով, որ դրանք պատկանում են իրանցի ժողովրդին»,- նշված է հաղորդագրության մեջ։
Պակն առաջարկել է ամրապնդել երկկողմ փոխգործակցությունը բոլոր հնարավոր ոլորտներում։
Աբդոլլահիանն իր հերթին նշել է, որ Թեհրանը մեծ ուշադրություն է դարձնում Ասիայի երկրների հետ հարաբերություններին և մտադիր է զարգացնել կապերը Սեուլի հետ:
