ՆԱՏՕ-ին Շվեդիայի անդամակցության հարցում Թուրքիան օբյեկտիվ չափանիշներ է պահպանում. Քալըն 15.04.2023 . Միջազգային
Շվեդիան կարող է անդամակցել ՆԱՏՕ-ին միայն Թուրքիայի հիմնական պահանջի կատարման դեպքում։ Այս մասին հայտնել է Թուրքիայի նախագահի պաշտոնական ներկայացուցիչ Իբրահիմ Քալընը։
«ՆԱՏՕ-ին Շվեդիայի անդամակցության հարցում մենք օբյեկտիվ չափանիշներ ենք պահպանում։ Մեր հիմնական պահանջը ահաբեկչության դեմ պայքարն է։ Երբ Շվեդիան կատարի այն, նա կդառնա ՆԱՏՕ-ի անդամ»,- ասել է Քալընը։
Նրա խոսքով՝ ՆԱՏՕ-ում Թուրքիայի դաշնակիցները պետք է համերաշխ լինեն նրա հետ ահաբեկչությանը հակազդելու հարցում։ «ՆԱՏՕ-ն զբոսաշրջության գործակալություն կամ մշակութային միություն չէ։ Դաշինքի առաջին խնդիրը կազմակերպության անդամ պետությունների անվտանգության ապահովումն է»,- հավելել է պաշտոնյան:
