Յուտայի համալսարանում ելույթի պահին սպանվել է Թրամփի կողմնակից Չառլի Քըրքը

Քաղաքական ակտիվիստ, պահպանողական գործիչ և ԱՄՆ նախագահ Դոնալդ Թրամփի կողմնակից Չառլի Քըրքը սպանվել է Յուտայի համալսարանում ելույթի պահին:

Այդ մասին հաղորդել է NBC News-ը՝ հղում անելով համալսարանի պաշտոնյաներին։

Ըստ լրատվամիջոցների՝ շտապօգնության բժիշկներն անմիջապես ժամանել են դեպքի վայր, սակայն չեն կարողացել փրկել նրա կյանքը։

Ավելի ուշ ԱՄՆ նախագահ Դոնալդ Թրամփը ևս հաստատել է Չառլի Քըրքի սպանության լուրը:

Նշվում է, որ Քըրքին հրազենային վնասվածք հասցրած ենթադրյալ հանցագործը ձերբակալվել է։