Ռուսթավի-Ասպինձա գյուղի 600 մետր ճանապարհի համար կհատկացվի ավելի քան 300,000 լարի
Ասպինձայի քաղաքապետարանը ավելի քան 300 հազար լարի կհատկացնի Ասպինձայի մունիցիպալիտետի Ռուսթավի գյուղի մոտ 600 մետր ճանապարհի վերականգնման համար։ Այս մասին տեղեկատվությունը հրապարակված է Պետական գնումների գործակալության կայքում։
Ըստ մրցութային փաստաթղթերի՝ ճանապարհի վերականգնման համար քաղաքապետարանը նախատեսում էր ծախսել 308 320 լարի, սակայն մրցույթին մասնակցող ընկերությունը «Ճանապարհաշինարարական բաժին» ՍՊԸ-ի աշխատանքների համար առաջարկել է 305 հազար լարի, և պայմանագիրը կնքվել է։
Բացի նշված ընկերությունից, ճանապարհը վերականգնելու ցանկություն են հայտնել եւս երկուսը։ Ջավահավթոգզան աշխատանքի համար առաջարկել է 276000 լարի, իսկ LS Georgia ՍՊԸ-ն՝ 308320 լարի։ Սակայն կարդում ենք, որ «Ջավախավթոգզան» որակազրկվել է տեխնիկական փաստաթղթերի պատճառով։
«Ջավախավթոգզա»-ից հետաքրքրվեցինք, թե ինչու են նրանք որակազրկվել, ինչին ի պատասխան նրանք մեզ ասացին, որ չեն հիշում պատճառը։
Մրցութային փաստաթղթերի համաձայն՝ ընկերությունը պետք է աշխատանքներն ավարտի պայմանագրի ստորագրումից հետո 3 ամսվա ընթացքում։
Ինչպես մեզ հայտնեցին քաղաքապետարանում, գումարը հատկացվել է Տարածաշրջանների զարգացման հիմնադրամից։
