მოგვარებულია თუ არა სასმელი წყლის პრობლემა ახალციხისა და რამდენიმე სოფლის სკოლებში?
პარტია „გახარია საქართველოსთვის“ წარმომადგენლები ახალციხის საკრებულოს რიგგარეშე სხდომის გამართვას ითხოვენ, რათა გაირკვეს, რა გააკეთა საკრებულომ მუნიციპალიტეტის სკოლებში სასმელი წყლის ხარისხის გასაუმჯობესებლად.
დღეს გამართულ სხდომაზე საკრებულოს დეპუტატმა მარინა აბულაძემ განაცხადა, რომ თუ რიგგარეშე სხდომას არ დანიშნავენ, დაგეგმილ სხდომაზე მაინც წარადგენენ საკრებულოს მუშაობის შედეგებს. საუბარია „სურსათის ეროვნული სააგენტოს“ დასკვნაზე, რომლის მიხედვითაც, ახალციხისა და რამდენიმე სოფლის სახელმწიფო სკოლებში სასმელ წყალთან დაკავშირებით სხვადასხვა სერიოზული დარღვევები გამოვლინდა.
საკრებულოს თავმჯდომარე დავით ლომიძე აცხადებს, რომ სასმელი წყლის პრობლემა მოგვარებულია.
