ԵՄ-Կենտրոնական Ասիա առաջին գագաթնաժողովի առանցքում տարածաշրջանային համագործակցության ընդլայնումն է
Եվրահանձնաժողովի նախագահ Ուրսուլա ֆոն դեր Լայենը և Եվրոպական խորհրդի նախագահ Անտոնիու Կոշտան ժամանել են Ուզբեկստան՝ մասնակցելու ԵՄ-Կենտրոնական Ասիա առաջին գագաթնաժողովին:
Եվրահանձնաժողովից տեղեկացրել են՝ առանցքում են երկկողմ հարաբերությունների ակտիվացումը և տարածաշրջանային համագործակցության ընդլայնումը:
«Արդյունավետ քննարկումներ Ղազախստանի, Ղրղզստանի, Տաջիկստանի և Թուրքմենստանի առաջնորդների հետ: Մենք ընդլայնում ենք մեր համագործակցությունը, ինչպես երբեք: Տրանսպորտ, կարևորագույն հումքային ռեսուրսներ, թվային տեխնոլոգիաներ, Էներգետիկա և կլիմայի պաշտպանություն: Այն ամենը, ինչ մեզ անհրաժեշտ է միասին աճելու և բարգավաճելու համար»,- X-ի միկրոբլոգում գրել է Լայենը:
