ՀՀ ԱԽ քարտուղարն ու Լուի Բոնոն քննարկել են տարածաշրջանային անվտանգության հարցեր
![ՀՀ ԱԽ քարտուղարն ու Լուի Բոնոն քննարկել են տարածաշրջանային անվտանգության հարցեր ՀՀ ԱԽ քարտուղարն ու Լուի Բոնոն քննարկել են տարածաշրջանային անվտանգության հարցեր](https://mediaanalytic.org/wp-content/uploads/2024/07/image_750x_66a20baadb360.jpg)
Հուլիսի 25-ին ՀՀ ԱԽ քարտուղար Արմեն Գրիգորյանը հանդիպում է ունեցել ԱՄՆ Կովկասյան բանակցությունների հարցերով ավագ խորհրդական Լուի Բոնոյի հետ: Այս մասին տեղեկացնում են ԱԽ գրասենյակից:
Հանդիպման ընթացքում զրուցակիցները քննարկել են տարածաշրջանային անվտանգությանն ու կայունությանն առնչվող հարցեր, անդրադարձ են կատարել Հայաստանի և Ադրբեջանի միջև հարաբերությունների կարգավորման գործընթացին և վերջին զարգացումներին:
ԱԽ քարտուղարը վերահաստատել է տարածաշրջանում համապարփակ ու երկարատև խաղաղության հաստատման հայկական կողմի հանձնառությունը: