Թույլ չենք տա, որ աշխարհի առաջնորդները մոռանան իրենց մեղսակցությունը ԼՂ-ում հայկական քաղաքակրթության ոչնչացման հարցում. Լեմկինի ինստիտուտ
Ցեղասպանության կանխարգելման Լեմկինի ինստիտուտն Իքսի իր էջում դատապարտել է համաշխարհային ղեկավարների լռությունը Լեռնային Ղարաբաղի իրադարձությունների հարցում:
«Լեմկինի ինստիտուտը երբեք թույլ չի տա, որ այսօրվա համաշխարհային առաջնորդները մոռանան իրենց մեղսակցությունն Արցախում 4000-ամյա ժողովրդին ու քաղաքակրթությանը ոչնչացնելու հարցում։
Չկա «ցեղասպանության կանխարգելում» ԱՄՆ-ում, ԵՄ-ում, ՆԱՏՕ-ում կամ ՄԱԿ-ում, չնայած բոլոր դասընթացներին, սիմպոզիումներին, գրքերին և ելույթներին: Մենք հույս ունեինք, որ այս մեկ օրինակում, Ցեղասպանության կանխարգելման այս կատարյալ փոթորիկում, կգտնվի լուրջ իշխանություն ունեցող խիզախ ձայն, որը ճիշտ քայլ կանի:
Բայց այսօր մենք աշխարհում իրական առաջնորդներ չունենք։ Նրանք չեն վախենում, որ մի օր կհայտնվեն այս սարսափի թիրախում, ուստի դա նրանց այնքան էլ չի հետաքրքրում: Նրանք քնում են ինքնագոհ հարմարավետության մեջ: Իրականում, ամբողջ աշխարհի հասարակ մարդիկ պետք է միավորվեն և վերջ դնեն իշխանության ու ռեսուրսների այս անվերջանալի տենչին, որը ոչնչացնում է ամեն ինչ իր ճանապարհին:
Հասարակ մարդիկ չեն շահում ցեղասպանությունից։ Նույնիսկ եթե նրանց հանցագործ ղեկավարներն ասում են, որ շահում են. այդպես չէ: Նրանք ի՞նչ ստացան ցեղասպանությանը մասնակցելու այս մեծ հնարավորությունից՝ ազատությո՞ւն, արժանապատվությո՞ւն, իրավունքնե՞ր, հստակությո՞ւն, լավ կառավարո՞ւմ, բարոյականությո՞ւն, վերը նշված բոլո՞րը: Ո՛չ, նրանք ոչինչ չեն շահում:
Բայց կան շատ մարդիկ աշխարհի մայրաքաղաքներում, կառավարություններում, որոնք արդեն օգուտներ են քաղում: Եվ ինչպիսի օգուտներ՝ ռեսուրսներ, մուտք, ուժ: Ո՞ւմ է հետաքրքրում, որ 4000-ամյա քաղաքակրթությունն ընդմիշտ վերանում է:
Մենք բոլորս պետք է միավորվենք այս հավասարումը փոխելու համար, և դա պետք է անենք արագ»:
