Լեմկինի ինստիտուտը հերթական անգամ դատապարտել է Ադրբեջանի անպատժելիությունը

Ադրբեջանը ռազմական ագրեսիա է կիրառել, որպեսզի ստիպի ժողովրդավարական հայկական Արցախի Հանրապետությանը հանձնվել բռնապետ Ալիևին՝ նշված է Ցեղասպանության կանխարգելման Լեմկինի ինստիտուտի X-ի (նախկին Twitter) միկրոբլոգում:

«Ռուսաստանը հայտարարել է, որ դա Ադրբեջանի «ներքին գործն» է՝ չնայած ռուս խաղաղապահների ձևական մանդատին՝ պաշտպանելու Արցախի քաղաքացիական բնակչությանը և կանխելու 2020 թվականի հրադադարի հայտարարության նման խախտումները:

Սեպտեմբերի 21-ին, Ռուսաստանն ադրբեջանական Եվլախ քաղաքում հետևելու է Ադրբեջանի և Արցախի իշխանությունների միջև «վերաինտեգրման բանակցություններին»:

Լեմկինի ինստիտուտը հերթական անգամ դատապարտում է Ադրբեջանի անպատժելիությունը և կոչ անում համաշխարհային առաջնորդներին՝ միջոցներ ձեռնարկել ցեղասպանական հայատյացությամբ կառավարվող պետությունում Արցախի հայկական ինքնությունը ոչնչացումից պաշտպանելու համար»,- նշել են ինստիտուտում:

#Azerbaijan has used military aggression to force the surrender of the democratic Armenian #RepublicOfArtsakh to the dictator @presidentaz.
Russia has said this an Azerbaijani “internal affair,” despite the ostensible mandate of Russian peacekeepers to protect Artsakh civilians… pic.twitter.com/6hvgRRWRL8
— Lemkin Institute for Genocide Prevention (@LemkinInstitute) September 21, 2023