ԵԱՀԿ նախագահն անձնական ներկայացուցչին գործուղելու է Լաչինի միջանցքի սկզբնամաս
ԵԱՀԿ գործող նախագահ Բույար Օսմանին Թվիթերի իր միկրոբլոգում անդրադարձել է Լաչինի միջանցքի բացման խնդրին: «Անցյալ շաբաթ իմ հեռախոսային խոսակցություններից հետո, որպես ԵԱՀԿ-ի նախագահ խնդրեցի իմ անձնական ներկայացուցիչ Անջեյ Կասպրչիկին այցելել Լաչինի տարածք և զեկուցել տեղում առկա իրավիճակի մասին։
Կրկնում եմ Լաչինի միջանցքով ազատ անցում տրամադրելու իմ կոչը։ Զուգահեռաբար պետք է բացվեն նաև մյուս երթուղիները։ Մարդասիրական ասպեկտները միշտ պետք է գերակայեն։ Քաղաքական հարցերի շուրջ երկխոսությունը պետք է շարունակվի, և ԵԱՀԿ-ն պատրաստ է աջակցելու դրան»,- գրել է բարձրաստիճան դիվանագետը:
