Ադրբեջանը գնդակոծել է Բաղանիսը
Հունիսի 8-ի երեկոյան ադրբեջանական կողմը կրակել է Տավուշի մարզի Բաղանիս գյուղի ուղղությամբ: Այս մասին PanARMENIAN.Net ի հետ զրույցում ասաց Բաղանիսի համայնքապետ Նարեկ Սահակյանը:
«Գյուղի վրա սկսեցին կրակել մոտավորապես երեկոյան ժամը 9-ից: Մոտ 2 ժամ գնդակոծեցին, հիմնականում ՊԿ և ԴՇԿ տիպի գնդացիրներից: Կրակում էին նաև գյուղի ուղղությամբ»,- նշեց համայնքապետը:
Նարեկ Սահակյանի խոսքով, մարդկային կորուստներ, բարեբախտաբար, չկան, իսկ վնասի չափերը մեծ չեն՝ մի քանի տանիք է վնասվել:
Ապրիլի 28-ի երեկոյան Տավուշի մարզի սահմանամերձ Բաղանիս համայնքը գնդակոծության էր ենթարկվել: Գյուղը երկու ժամ` 21:00-ից մինչև 23:00-ը, ինտենսիվ գնդակոծվել է. կան միայն նյութական վնասներ:
