Ադրբեջանում արգելափակել են ռուսական «ՌԻԱ Նովոստի»-ն՝ Արցախի պետնախարարի հետ հարցազրույցի համար
![Ադրբեջանում արգելափակել են ռուսական «ՌԻԱ Նովոստի»-ն՝ Արցախի պետնախարարի հետ հարցազրույցի համար Ադրբեջանում արգելափակել են ռուսական «ՌԻԱ Նովոստի»-ն՝ Արցախի պետնախարարի հետ հարցազրույցի համար](https://www.1lurer.am/images/news/27/134585/1514691490_0_320_3072_2048_1920x0_80_0_0_fa4a1c5bed7188dbface593868f5b24c.jpeg)
Ադրբեջանի տարածքում արգելափակվել է ռուսական «ՌԻԱ Նովոստի» լրատվական գործակալության կայքը:
Ադրբեջանի արտգործնախարարությունը կայքի արգելափակման պատճառների մասին գործակալության հարցին ի պատասխան՝ «ՌԻԱ Նովոստիին» մեղադրել է «Լեռնային Ղարաբաղի հայտարարությունները շրջանառության մեջ դնելու» համար:
Ավելի վաղ «ՌԻԱ Նովոստին» ներկայացրել էր Արցախի պետնախարար Արտակ Բեգլարյանի հետ հարցազրույցի տարբեր հատվածներ, որոնցում պաշտոնյան անդրադարձել էր Ադրբեջանի հետ բանակցային գործընթացին, Լեռնային Ղարաբաղի միջազգային ճանաչման, ռուս խաղաղապահների առաքելության ընդլայնման և այլ հարցերի: