ԱՄՆ հակահրթիռային պաշտպանության համակարգը կփորձարկվի Լեհաստանի Ռեձիկովոյի ռազմաբազայում
![ԱՄՆ հակահրթիռային պաշտպանության համակարգը կփորձարկվի Լեհաստանի Ռեձիկովոյի ռազմաբազայում ԱՄՆ հակահրթիռային պաշտպանության համակարգը կփորձարկվի Լեհաստանի Ռեձիկովոյի ռազմաբազայում](https://www.1lurer.am/images/news/26/128798/1.jpeg)
Առաջիկա օրերին ԱՄՆ-ը կսկսի հակահրթիռային համակարգի փորձարկումը լեհական Ռեձիկովո գյուղական բնակավայրում տեղակայված ռազմաբազայում՝ գրում է լեհական Rzeczpospolita պարբերականը։
Թերթի տվյալներով՝ Լեհաստանում գաղտնի բազայի կառուցումն ԱՄՆ-ին արժեցել է 850 մլն դոլար։ Առաջին փորձարկումները տեղի կունենան մոտ ապագայում։
ԱՄՆ հակահրթիռային պաշտպանության գործակալության տնօրեն Ջոն Հիլը հայտնել է, որ բազայում տեղադրված են բոլոր անհրաժեշտ սարքավորումները, կա փորձարկման հստակ ծրագիր և ժամանակացույց։
Լեհաստանի ռազմաբազայի շինարարությունը պետք է ավարտվեր մի քանի տարի առաջ, սակայն ԱՄՆ պաշտպանության նախարարության և կապալառուի տարաձայնությունների պատճառով այն հետաձգվեց։
Պենտագոնը հայտնում է, որ ռազմաբազան դառնալով գլոբալ հակահրթիռային պաշտպանության վահանի մաս՝ Միացյալ Նահանգներին և նրա դաշնակիցներին պաշտպանելու է Ասիայից ու Մերձավոր Արևելքից իրականացվող հրթիռային հարձակումներից: