Արտաքին գործերի նախարարությունը դատապարտում է ապրիլի 10-ի Բռնազավթված Ցխինվալի շրջանում / Հարավային Օսիայում անցկացված այսպես կոչված նախագահական ընտրությունները,- այս հայտարարությունը տարածել է Վրաստանի արտաքին գործերի նախարարությունը։
ԱԳ նախարարությունը նշում է, որ այս գործողությունը Ռուսաստանի Դաշնության հերթական անօրինական գործողությունն է Վրաստանի ինքնիշխանության և տարածքային ամբողջականության դեմ, որը լիովին հակասում է միջազգային իրավունքի նորմերին և սկզբունքներին։
«Նման սադրիչ գործողությունները նպատակ ունեն օրինականացնել վրացական շրջանների անօրինական օկուպացիան և վրացիների էթնիկ զտումները։
Վրաստանի երկու անբաժանելի շրջանների անօրինական օկուպացիայի և օկուպացիոն ուժի կողմից իրականացվող արդյունավետ վերահսկման պայմաններում, այսպես կոչված ընտրությունները իրավական որևէ հետևանք չեն ունենա: Ընդ որում, իրավական հետևանքներ չեն լինի նաև Ցխինվալում հայտարարված այսպես կոչվածի հանրաքվեն՝ Ռուսաստանի Դաշնությանը միանալու վերաբերյալ, որը ևս մեկ անօրինական քայլ է դեպի բռնակցում:
Արտաքին գործերի նախարարությունը Ռուսաստանի Դաշնությանը կոչ է անում հարգել Վրաստանի ինքնիշխանությունը և տարածքային ամբողջականությունը, կատարել իր միջազգային պարտավորությունները, այդ թվում 2008 թվականի օգոստոսի 12-ի հրադադարի մասին Եվրամիության միջնորդությամբ ձեռք բերված համաձայնագիրը և չեղարկել այսպես կոչված օկուպացված շրջանների ճանաչման անօրինական որոշումը։
«Մենք կոչ ենք անում միջազգային հանրությանը պատշաճ կերպով գնահատել և արդյունավետ արձագանքել Ռուսաստանի Դաշնության անօրինական քայլին, որը խաթարում է Վրաստանի ինքնիշխանությունն ու տարածքային ամբողջականությունը», – ասվում է ԱԳ նախարարության հայտարարության մեջ։
