ԱՄՆ Պետդեպարտամենտը ծրագրում է 2023 թվականի բյուջեի նախագծով Վրաստանին հատկացնել 88 միլիոն դոլար 29.03.2022 . Վրաստան

ԱՄՆ Պետդեպարտամենտի 2023 թվականի բյուջեի նախագծով Վրաստանին նախատեսվում է հատկացնել 88 մլն դոլար։ Փաստաթուղթը հրապարակում է Պետդեպարտամենտը։

«ԱՄՆ օգնությունը կնպաստի Վրաստանի ժողովրդավարական, տնտեսական զարգացմանը, եվրատլանտյան ինտեգրմանը, ինչպես նաև կամրապնդի նրա ճկունությունը՝ դիմակայելու Կրեմլի վնասակար ազդեցությանը։ Ֆինանսավորումը կամրապնդի ինստիտուցիոնալ վերահսկողության և հավասարակշռության սկզբունքը և օրենքի գերակայությունը, կաջակցի Վրաստանի քաղաքացիական հասարակության ջանքերին՝ ուղղված ժողովրդավարական և տնտեսական զարգացման ամրապնդմանը, կբարելավի անկախ, հուսալի և հավասարակշռված լրատվամիջոցների հասանելիությունը, կխթանի քաղաքական բազմակարծությունը, կաջակցի հաշտեցման ջանքերին, ներառյալ Աբխազիայում և Հարավային Օսեթիայում, կբարձրացնի էներգետիկ անվտանգությունը և կզարգացնի մաքուր էներգետիկան, կնպաստի տնտեսական զարգացմանն ու դիվերսիֆիկացմանը նպաստելու համար անհրաժեշտ բարեփոխումներին, կդյուրացնի թվայնացման գործընթացը և կբարձրացնի կիբերանվտանգությունն ու կայունությունը, կբարձրացնի մասնավոր հատվածի մրցունակությունը և գյուղատնտեսության արտադրողականությունը, կներգրավի օտարերկրյա ներդրումներ։ Ֆինանսավորման ավելացումը կօգնի ամրապնդել էներգետիկ անվտանգությունն ու կիբերանվտանգությունը, ինչպես նաև Ռուսաստանի խոցելի բնակչության տնտեսական հնարավորություններն ու ինտեգրումը», – ասվում է փաստաթղթում:

ԱՄՆ Պետդեպարտամենտի և Միջազգային զարգացման գործակալության 2023 թվականի բյուջեի նախագծի ծավալն ընդհանուր առմամբ կազմում է 60,4 միլիարդ դոլար, ինչը 1,9 միլիարդ դոլարով ավելի է 2022 թվականի բյուջեի նախագծից։

Փաստաթուղթը նախատեսում է 1,6 մլրդ դոլար հատկացնել Ուկրաինային Ռուսաստանի կանխամտածված, չհրահրված և չարդարացված միջամտության ֆոնին, ինչպես նաև Եվրոպայի և Կենտրոնական Ասիայի տարածաշրջանի այլ երկրներին։