Բրիտանական նավատորմն արգելել է ևս երկու ռուսական նավի ընթացքը. BBC

Մեծ Բրիտանիայի պաշտպանության նախարարությունը հայտնել է, որ վերջին օրերին Թագավորական ռազմածովային նավատորմը Լա Մանշում՝ բրիտանական ափերի մոտ, արգելել է երկու ռուսական ռազմանավի ընթացքը՝ հայտնում է BBC-ն։

Այդ մասին հայտնի է դարձել Շոտլանդիայի ափերի մոտ ռուսական «Յանտար» օվկիանոսագրական նավի հայտնվելուց անմիջապես հետո, որը պատկանում է ՌԴ պաշտպանության նախարարությանը և ծովային հետախուզություն է իրականացնում:

Բրիտանական իշխանությունները պնդել են, որ «Յանտարի» նավաստիները լազերներն ուղղել են դեպի Թագավորական ռազմաօդային ուժերի օդաչուները, որոնք հետևել են ռուսական նավի տեղաշարժին։

Մեծ Բրիտանիայի պաշտպանության նախարարությունը նաև հայտնել է, որ HMS Severn պարեկային նավը հետևել է ռուսական «Ստոյկի» կորվետին և «Ելենա» լցանավին, որոնք Դուվրի նեղուցով ուղևորվել են դեպի Լա Մանշ։

Բրիտանական զինվորականները ռուսական նավերի հսկողությունը հանձնել են ՆԱՏՕ-ի մյուս դաշնակիցներին, երբ «Ստոյկին» և «Ելենան» շարունակել են իրենց ճանապարհը դեպի Բրետան՝ Ֆրանսիայի հյուսիս-արևմուտք։