Դեմոկրատները հաղթել են Նյու Ջերսիի և Վիրջինիայի ընտրություններում

Նոյեմբերի 4-ին դեմոկրատները համոզիչ հաղթանակներ են տարել երեք խոշոր ընտրությունում՝ կուսակցության առաջին նշանակալի հաջողությունները հանրապետական ​​նախագահ Դոնալդ Թրամփի՝ իշխանության վերադառնալուց հետո: «Այդ արդյունքները թուլացած կուսակցությանը նոր թափ և վստահություն են հաղորդում 2026 թվականի Կոնգրեսի ընտրությունից առաջ»,- գրում է Reuters-ը։

Նյու Յորքում 34-ամյա դեմոկրատ սոցիալիստ Զոհրան Մամդանին հաղթել է քաղաքապետի ընտրությունում՝ ավարտելով իր արագ վերելքը քիչ հայտնի օրենսդրից մինչև Դեմոկրատական ​​կուսակցության ամենաակնառու դեմքերից մեկը: Վիրջինիայում և Նյու Ջերսիում չափավոր դեմոկրատներ 46-ամյա Աբիգեյլ Սփանբերգերն ու 53-ամյա Միկի Շերիլը համոզիչ հաղթանակ են տարել նահանգապետի ընտրություններում:

Ըստ Reuters-ի՝ երեքշաբթի անցկացված ընտրությունները թեստ էին՝ պարզելու ամերիկացիների արձագանքը Թրամփի իննամսյա նախագահությանը և վերանայելու դեմոկրատների ռազմավարությունը 2026 թվականի ընտրությունից առաջ։ Միջանկյալ ընտրությանը դեռ մեկ տարի կա, բայց այդ հարցումները ցույց են տալիս, որ Դեմոկրատական ​​կուսակցության վարկանիշը դեռևս ցածր է՝ չնայած նախագահի ժողովրդականության անկմանը, գրում է լրատվականը: