Ֆուտբոլիստ Դևիդ Բեքհեմը ասպետի կոչում է ստացել սպորտում նվաճումների և բարեգործության համար

Երեքշաբթի Մեծ Բրիտանիայի Չարլզ III թագավորը ասպետի կոչում է շնորհել Անգլիայի հավաքականի նախկին ֆուտբոլիստ Դևիդ Բեքհեմին։ Նման կոչմանը նա արժանացել է սպորտում նշանակալի ձեռքբերումների և բարեգործական ակտիվ գործունեության համար: Այժմ նրան կդիմեն «Սըր», իսկ կնոջը՝ Վիկտորիային, «Լեդի»։

Ավելի վաղ հաղորդվել էր, որ նոյեմբերի 14-ին թագավորի ծննդյան օրվա կապակցությամբ 50-ամյա Բեքհեմին ներառել են պատվավոր պարգևների ցուցակում: Թագավորի հետ բարեգործական կազմակերպություններում ներդրումներ կատարած մարզիկը կապված է ամուր բարեկամությամբ։

Բեքհեմը բազմաթիվ տիտղոսների է արժանացել «Մանչեսթեր Յունայթեդի» կազմում, ինչպես նաև գավաթներ է նվաճել «Ռեալ Մադրիդի» (Իսպանիա), «Լոս Անջելես Գալաքսիի» (ԱՄՆ) և «Պարի Սեն Ժերմենի» (Ֆրանսիա) հետ։ Նա 115 հանդիպում է անցկացրել Անգլիայի հավաքականի կազմում։