Հունիսի 18-19-ը Պուտինը կայցելի ԿԺԴՀ 17.06.2024 . Միջազգային
ՌԴ նախագահ Վլադիմիր Պուտինը հունիսի 18-19-ը կայցելի Հյուսիսային Կորեա՝ Կիմ Չեն Ընի հրավերով։
Վերջին անգամ Պուտինը Հյուսիսային Կորեա էր այցելել 2000 թվականին։ Փհենյանում նա հանդիպել էր ԿԺԴՀ-ի այն ժամանակվա ղեկավար Կիմ Չեն Իրի հետ։
Հյուսիսային Կորեայի ներկայիս առաջնորդ Կիմ Չեն Ընը 2023 թ. սեպտեմբերի 12-17-ը այցելել է Ռուսաստան։ Այդ օրերի ընթացքում նա եղել է Վոստոչնի տիեզերակայանում, Ամուրի Կոմսոմոլսկում, Պրիմորիեի Կնևիչի օդանավակայանում և Վլադիվոստոկում։
ԿԺԴՀ ղեկավարն էլ իր հերթին Փհենյան է հրավիրել ռուս գործընկերոջը։ ՌԴ նախագահի մամուլի քարտուղար Դմիտրի Պեսկովի խոսքով՝ Պուտինը երախտագիտությամբ է ընդունել հրավերը։
