Ֆրանսիան ուժեղ շոգի նոր շրջան է ապրում

Ֆրանսիան կրկին շոգի ալիք է ապրում: Չորեքշաբթի այն կհասնի երկրի մեծ մասին, 78 դեպարտամենտում նարնջագույն եղանակային վտանգ է հայտարարվել: Մի քանի շրջանում ջերմաստիճանը կգերազանցի 35°C-ը, իսկ հինգշաբթի որոշ տարածքներում, օրինակ՝ Կորսիկայում, ջերմաչափը կարող է բարձրանալ 40°C-ից:

Այնուամենայնիվ, միայն շոգը չէ, որ մտահոգություն է առաջացնում: Տեղումների պակասը խորացնում է երաշտը։ Հողը մնում է ծայրաստիճան չոր, փոքր գետերն ու առուները ցամաքում են:

Կենսաբազմազանության ֆրանսիական գրասենյակի տվյալներով՝ մոտ 1400 ջրային հոսք է  ցամաքել: Շաբաթներ տևած երաշտը ստիպել է իշխանություններին նոր ջրային սահմանափակումներ սահմանել, որոնք ազդում են մայրցամաքային Ֆրանսիայի և Կորսիկայի բնակիչների ճնշող մեծամասնության վրա: