Պանամայի ջրանցքով նավերի անցման արժեքը հասել է ռեկորդային թվի

Պանամայի ջրանցքի օգտագործման վճարները հասել են ռեկորդային՝ 1,1 միլիոն դոլարի, ինչը 16 անգամ գերազանցում է նախորդ տարվա նույն ժամանակահատվածի միջին գինը, հաղորդում է Financial Times-ը։

Զեկույցում նշվում է, որ արժեքի աճը կապված է Էլ Նինյոյի հոսքի ուժեղացման պատճառով ջրի մակարդակի անկման և ԱՄՆ-Իրան հակամարտության հետևանքով Հորմուզի նեղուցի փակման պատճառով պահանջարկի աճի հետ:

Պարբերականը հայտնում է, որ վերջին շաբաթներին Պանամայի ջրանցքի խոշոր դարպասների օգտագործման միջին գինը հասել է 2,5 մլն դոլարի։

Ընդ որում, հաղորդվում է, որ միաժամանակ զգալիորեն աճել է անցման հերթում գտնվող նավերի թիվը. եթե հունվարի 2-ին դրանք 40-ն էին, ապա օգոստոսի 3-ին շուրջ 113 նավ էր սպասում ջրանցքով անցնելու հնարավորությանը: