Իրանի կապիտուլյացիային հասնելու փորձերը պատրանքային են. Ռեզայի

Իրանին արագ ջախջախիչ հարված հասցնելու և նրա կապիտուլյացիային հասնելու փորձերը բացարձակապես պատրանքային են՝ հայտարարել է Իսլամական Հանրապետության խորհրդարանի ազգային անվտանգության հանձնաժողովի ներկայացուցիչ Էբրահիմ Ռեզային:

Նրա խոսքով՝ հարձակման դեպքում Թեհրանի պատասխանն այնքան կործանարար կլինի, որ «ամբողջ տարածաշրջանն ու նրա ենթակառուցվածքը կվերադարձնի քարե դար»:

Իրանցի խորհրդարանականը նաև կոչ է արել պոտենցիալ հակառակորդներին «հիմարություն չանել»՝ ընդգծելով, որ ագրեսիվ քայլերից հրաժարվելը բխում է իրենց սեփական շահերից և կօգնի խուսափել աղետալի էսկալացիայից: