Ուկրաինայի նախագահի աշխատակազմի նախկին ղեկավար Երմակն ազատ է արձակվել նախնական կալանքից

Ուկրաինայի նախագահի գրասենյակի նախկին ղեկավար Անդրեյ Երմակը, որն անցնում է կոռուպցիայի գործով, դուրս կգա քննչական մեկուսարանից: Նրա 140 միլիոն գրիվնայի գրավը վճարված է, հայտարարել է Ուկրաինայի բարձրագույն հակակոռուպցիոն դատարանը։

Երմակը ձերբակալվել է մայիսի 14-ին՝ երկու ամսով, Կիևի մերձակայքում «Դինաստիա» էլիտար համալիրի շինարարության համար նախատեսված 460 միլիոն գրիվնան (10 միլիոն դոլար) օրինականացնելու գործով: Ուկրաինայի նախագահ Վոլոդիմիր  Զելենսկու մերձավոր շրջապատի նախկին անդամը չի ընդունում իր մեղքը։