Նոր Սահմանադրության ընդունումն անհրաժեշտություն է. Էրդողան

Թուրքիայի նախագահը հայտարարել է, որ է նոր Սահմանադրության ընդունումը կարևոր է պետության հետագա զարգացման համար:

Լրագրողների հետ զրույցում Ռեջեփ Էրդողանը նշել է, որ մայր օրենքի գործող խմբագրությունը, որն ընդունվել է 1982 թվականին, հնացել է և չի համապատասխանում ներկայիս իրողություններին՝ չնայած նախկինում կատարված փոփոխություններին:

«Նոր Սահմանադրությունն այլևս շքեղություն չէ, այլ անհրաժեշտություն, դրա ընդունումը նույնիսկ պարտադիր է»,- ասել է Թուրքիայի նախագահը, հավելել՝ նախապատրաստական փուլն արդեն ավարտվել է: