Ռուսական բանակը հարվածել է ուկրաինական մարդատար գնացքին, կան զոհեր

Ռուսական դրոնները Խարկովի մարզում հարվածել են մարդատար գնացքի։ Հարվածի պահին գնացքում եղել է ավելի քան 200 մարդ։ Երկու ԱԹՍ ընկել է շարժակազմի կողքին, երրորդը հարվածել է վագոնին, որում եղել է 18 մարդ։ Այս պահին հայտնի է 5 զոհի մասին` հայտնում է BBC-ն։

Ըստ Ուկրաինայի ռազմաօդային ուժերի առավոտյան հաղորդագրության՝ Ռուսաստանը հունվարի 27-ի լույս 28-ի գիշերը Ուկրաինայի ուղղությամբ արձակել է 146 անօդաչու թռչող սարք և մեկ բալիստիկ հրթիռ:

103 անօդաչու թռչող սարք խոցվել է: «Բալիստիկ հրթիռի և 36 հարվածային դրոնի հարվածներ են գրանցվել 22 վայրում»,- նշվում է հաղորդագրության մեջ:

Գիշերային հարձակումների հետևանքով Կիևի մարզում զոհվել է երկու մարդ, Օդեսայի մարզում վիրավորվել են երեքը: Խերսոնի հիվանդանոցի հրետակոծության հետևանքով վիրավորվել է 2 բուժաշխատող, Զապորոժիեում՝ 4 մարդ, 12 տուն վնասվել է` հայտնում է BBC-ն: