Թրամփը և Ահմեդ ալ-Շարաան քննարկել են Սիրիայում քրդերի իրավունքներն ապահովելու անհրաժեշտությունը

Հեռախոսազրույց են ունեցել Միացյալ Նահանգների և Սիրիայի նախագահները: Դոնալդ Թրամփը և Ահմեդ ալ-Շարաան քննարկել են Արաբական Հանրապետությունում քրդերի իրավունքներն ապահովելու անհրաժեշտությունը:

Երկրի կառավարության և «Սիրիայի դեմոկրատական ուժերի» միջև օրերս կնքված հրադադարի ֆոնին՝ Թրամփը և Շարաան «վերահաստատել են Սիրիայում միասնության և անկախության պահպանման կարևորությունը», համաձայնել գործակցել «Իսլամական պետության» դեմ պայքարում։

Զուգահեռ, երկրում լարվածությունը պահպանվում է: Սիրիայի ներքին գործերի նախարարությունը և քրդական ուժերը հայտնել են, որ վերջին բախումների ընթացքում աշ-Շադադդի բանտից փախել է Իսլամական պետություն ահաբեկչական կազմակերպության հարյուրավոր անդամներ և միացել երկրում գործող տարբեր խմբավորումների: