Թրամփը սպառնացել է Իրանին

Իրանում զանգվածային ցույցերի ֆոնին ԱՄՆ նախագահ Դոնալդ Թրամփը սպառնացել է միջամտել: Նրա խոսքով՝ եթե Իրանի ուժայինները սկսեն զենք կիրառել խաղաղ ցուցարարների դեմ, Վաշինգտոնը կփրկի նրանց:

«Եթե Իրանը կրակի և դաժանաբար սպանի խաղաղ ցուցարարներին, ինչը նրանց համար սովորական պրակտիկա է, Ամերիկայի Միացյալ Նահանգները նրանց օգնության կհասնի։ Մենք պատրաստ ենք գործելու»,- նշել է Թրամփը Truth Social-ի իր էջում:

Իրանում արդեն մի քանի օր է` շարունակվում են բողոքի զանգվածային ցույցերը, դրանք ընդգրկել են առնվազն 36 քաղաք: Ցուցարարները հակակառավարական կարգախոսներ են վանկարկում: Հաղորդվում է ոստիկանության հետ բախումների հետևանքով 10 զոհի և 17 վիրավորի մասին, կան ձերբակալվածներ: