Ռուբիոն լքել է Շվեյցարիան ԱՄՆ-Ուկրաինա բանակցություններից հետո. CNN

ԱՄՆ պետքարտուղար Մարկո Ռուբիոն լքել է Ժնևը և վերադառնում է Վաշինգտոն՝ Ուկրաինայի խաղաղության ծրագրի շուրջ բարձր մակարդակի հանդիպումներից հետո, հաղորդում է CNN-ը՝ հղում անելով ԱՄՆ պետքարտուղարության բարձրաստիճան պաշտոնյային։

Ռուբիոն նշել է, որ տեխնիկական քննարկումները կշարունակվեն՝ լավատեսություն հայտնելով, որ «մենք կհասնենք մեր նպատակին ողջամիտ ժամկետներում, շատ շուտով»։

«Ուկրաինական հակամարտության ավարտի ծրագրի շուրջ տարաձայնությունները մնում են, բայց դրանք անհաղթահարելի չեն, և կողմերը կշարունակեն աշխատել դրանց ուղղությամբ»,- հայտարարել է ԱՄՆ պետքարտուղար Մարկո Ռուբիոն՝ Ժնևում ուկրաինական կողմի հետ բանակցություններից հետո։

ԱՄՆ-ն և Ուկրաինան կարծում են, որ երկու կողմի ներկայացուցիչների միջև երեկ Ժնևում կայացած հանդիպումը ցույց է տվել առաջընթաց, և դա նշանակալի քայլ է ուկրաինական հակամարտության կարգավորման գործում։

The New York Times-ն էլ հաղորդել է, որ, ըստ իր տեղեկությունների, Միացյալ Նահանգները մտադիր է բանակցություններ վարել Ռուսաստանի հետ՝ Ժնևում եվրոպացի դաշնակիցների հետ հանդիպումից հետո։