Մասկը կարող է դառնալ պատմության մեջ առաջին տրիլիոնատերը

Հինգշաբթի աշխարհի ամենահարուստ մարդուն՝ Իլոն Մասկին հնարավորություն է տրվել դառնալու պատմության մեջ առաջին տրիլիոնատերը: Tesla-ի բաժնետերերը քվեարկել են գործադիր տնօրենին 1 տրիլիոն դոլարի բաժնետոմս տրամադրելու օգտին, եթե Մասկը հաջորդ տասնամյակում հասնի որոշակի նվաճումների: Առաջարկը հաստատել է ընկերության բաժնետոմսերի սեփականատերերի ավելի քան 75%-ը:

Նոր ծրագրի համաձայն՝ Մասկն աշխատավարձ կամ բոնուսներ չի ստանում: Նրա վարձատրությունը լիովին կախված է Tesla-ի շուկայական կապիտալիզացիայի մինչև 8,5 տրիլիոն դոլարի աճից, շահույթի մինչև 400 միլիարդ դոլարի ավելացումից: Ավելին, ընկերությունը պետք է արտադրի 20 միլիոն մեքենա և 1 միլիոն ռոբոտ, ինչպես նաև առևտրային շահագործման հանձնի 1 միլիոն ռոբոտաքսի: Եթե այս պայմանները բավարարվեն, Մասկը կվերահսկի ընկերության բաժնետոմսերի մոտավորապես 25%-ը:

Մասկը պնդում է, որ բաժնետոմսերի լրացուցիչ փաթեթն իրեն անհրաժեշտ է ընկերության նկատմամբ վերահսկողությունն ուժեղացնելու համար՝ 16 տոկոսից մինչև 25 տոկոս, որպեսզի Tesla-ն պաշտպանի ակտիվիստ-ներդրողների ճնշումից արհեստական բանականության համակարգերի և մարդանման ռոբոտների «բանակի» զարգացման ֆոնին: