Ախալցխայի քաղաքապետարանում տեղի ունեցավ Ախալցխայի քաղաքի գլխավոր հատակագծի մշակման վերաբերյալ ծանոթացման հանդիպում
Ախալցխայի քաղաքապետարանում տեղի ունեցավ Ախալցխայի քաղաքի գլխավոր հատակագծի մշակման վերաբերյալ ծանոթացման հանդիպում։
Հանդիպմանը ներկա էին Սամցխե-Ջավախեթի շրջանի պետական լիազոր ներկայացուցիչ Զաալ Գելաշվիլին, Ախալցխայի քաղաքապետ Վարլամ Ծիկլաուրին, Սակրեբուլոյի նախագահ Սաբա Կբիլաշվիլին, նրանց տեղակալները, ինչպես նաև տարածքային և քաղաքային զարգացման գործակալության՝ նախագծի վրա աշխատող վրացական և արտասահմանյան համատեղ կազմակերպության, տարածաշրջանային վարչակազմի և տեղական ինքնակառավարման մարմինների ներկայացուցիչները։
Ախալցխա քաղաքի գլխավոր հատակագծի մշակումն իրականացնում է ԼԻՊԴ տարածքային և քաղաքային զարգացման գործակալությունը՝ քաղաքապետարանի նախաձեռնությամբ և Ասիական զարգացման բանկի (ԱԶԲ) աջակցությամբ՝ «Կենսունակ քաղաքների ներդրումային ծրագրի» շրջանակներում։ Աշխատանքային հանդիպման ժամանակ ներկայացվեցին նախագծի աշխատանքային պլանը, մեթոդաբանությունը և իրականացման ժամանակացույցը։
Փաստաթղթի մշակման հիմնական նպատակն է ամրապնդել քաղաքի գործառույթը որպես վարչական, տնտեսական, պատմամշակութային, զբոսաշրջային և լոգիստիկ կենտրոն՝ տարածաշրջանային և ազգային մասշտաբով: Ծրագիրը նախատեսում է տրանսպորտային լուծումների բարելավում, քաղաքային վերանորոգման իրականացում, սոցիալական ենթակառուցվածքների և հանգստի գոտիների կազմակերպում, ինչպես նաև քաղաքի սոցիալ-տնտեսական զարգացմանը նպաստող միջոցառումների առաջարկ:
