ՄԱԿ-ի ԱԽ-ն վերացրել է Սիրիայի նախագահի և ներքին գործերի նախարարի նկատմամբ պատժամիջոցները. Reuters

ՄԱԿ-ի Անվտանգության խորհուրդը քվեարկել է ԱՄՆ-ի առաջարկած` Սիրիայի ժամանակավոր նախագահ Ահմեդ աշ-Շարաայի նկատմամբ պատժամիջոցները վերացնող բանաձևի օգտին՝ Սպիտակ տուն նրա այցից առաջ, տեղեկացնում է Reuters-ը։

Ըստ բանաձևի՝ Ահմեդ աշ-Շարաան և Սիրիայի ներքին գործերի նախարար Անաս Խաթաբը հանվում են ԻՊ-ի և «Ալ-Քաիդայի» դեմ պատժամիջոցների ցուցակից։ Բանաձևին աջակցել է ՄԱԿ-ի Անվտանգության խորհրդի 14 անդամ, Չինաստանը ձեռնպահ է մնացել։

ՄԱԿ-ում Չինաստանի մշտական ներկայացուցիչ Ֆու Կոնգը պարզաբանել է, որ Չինաստանը ձեռնպահ է մնացել, քանի որ բանաձևում պատշաճ կերպով հաշվի չեն առնվել ահաբեկչության դեմ պայքարի և Սիրիայում անվտանգության հետ կապված չինական կողմի մտահոգությունները:

Քվեարկությունից հետո Սիրիայի ղեկավարը շնորհակալություն է հայտնել ՄԱԿ-ի Անվտանգության խորհրդին բանաձևին աջակցելու համար` նշելով, որ դա արտացոլում է «նախագահ Աշ-Շարաայի ղեկավարության նկատմամբ վստահության աճը և երկրին միջազգային հանրությանը վերաինտեգրվելու հնարավորություն է տալիս»:

Նոյեմբերի 10-ին Վաշինգտոնում նախատեսված է Սիրիայի ժամանակավոր նախագահի հանդիպումը ԱՄՆ նախագահ Դոնալդ Թրամփի հետ։