Հռոմի Պապ Ֆրանցիսկոսը դիտարկում է Ուկրաինա մեկնելու հնարավորությունը 02.04.2022 . Միջազգային
Հռոմի Պապ Ֆրանցիսկոսը հայտնել է, որ դիտարկում է Ուկրաինա մեկնելու հնարավորությունը։ Այդ մասին Twitter-ի իր միկրոբլոգում հայտնել է NBC NEWS-ի լրագրող Կլաուդիո Լավանգան, որը Մալթա մեկնող ինքնաթիռում քահանայապետին հարցրել է, թե արդյոք նա կմեկնի՞ Կիև:
«Այո՛, այդ առաջարկը սեղանին է»,- ասել է սրբազան քահանայապետը:
Նախորդ ամիս Կիևի քաղաքապետ Վիտալի Կլիչկոն և ուկրաինացի մի շարք քաղաքական և հասարակական գործիչներ նամակներ էին հղել Ֆրանցիսկոս Պապին՝ Ուկրաինա այցելելու հրավերով:
Մինչ այդ Հռոմի Պապը համաշխարհային առաջնորդներին կոչ է արել վերջ դնել Ուկրաինայում հակամարտությանը:
