Ենս Ստոլտենբերգ. Ես անհամբերությամբ սպասում եմ ավելին անել ՆԱՏՕ-ի գործընկերների համար, այդ թվում՝ Վրաստանի և Բոսնիա և Հերցեգովինայի համար, որոնք խոցելի են Ռուսաստանի կողմից բխող վտանգի նկատմամբ 05.04.2022 . Վրաստան

Ես ակնկալում եմ, որ մենք նաև կորոշենք ավելին անել ՆԱՏՕ-ի մյուս գործընկերների համար, ովքեր խոցելի են Ռուսաստանի սպառնալիքների և ներխուժումների նկատմամբ, ներառյալ Վրաստանը և Բոսնիա և Հերցեգովինան, – ասել է ՆԱՏՕ-ի գլխավոր քարտուղար Ենս Ստոլտենբերգը:

Դաշինքի գլխավոր քարտուղարն ընդգծել է քաղաքական և գործնական աջակցության ակտիվացման կարևորությունը։

«Ակտիվացնելով քաղաքական և գործնական աջակցությունը՝ մենք կարող ենք օգնել մեր գործընկերներին ամրապնդել դիմադրողականությունը և կանխել ապագա ցանկացած ագրեսիա», – ասել է ՆԱՏՕ-ի գլխավոր քարտուղարը։

Բացի այդ, ՆԱՏՕ-ի գլխավոր քարտուղարի խոսքով, հինգշաբթի օրը ՆԱՏՕ-ում հանդիպում է տեղի ունենալու, որին ելույթ է ունենալու Ուկրաինայի արտգործնախարարը, միաժամանակ հանդիպմանը կմասնակցի Վրաստանի արտգործնախարար Իլիա Դարչիաշվիլին։

«Մեզ կմիանա Ուկրաինայի արտգործնախարար Դմիտրո Կուլեբան, ով մեզ տեղյակ կպահի վերջին զարգացումներին, այդ թվում՝ Մոսկվայի հետ բանակցություններին։ Ֆինլանդիան, Շվեդիան, Վրաստանը և Եվրամիությունը կմասնակցեն հանդիպմանը, և մեզ կմիանան Ասիա-խաղաղօվկիանոսյան տարածաշրջանի ՆԱՏՕ-ի գործընկերները՝ Ավստրալիան, Ճապոնիան, Նոր Զելանդիան, Կորեան»,- ասել է Ենս Ստոլտենբերգը։