Ախալքալաքում անցկացվեց Հովհաննես Թումանյանի 150 ամյակին նվիրված միջոցառում
Այսօր, օրհնությամբ Սամցխե-Ջավախքի և Ծալկայի ընդհանուր առաջնորդական փոխանորդ Հոգեշնորհ Մաղաքիա վարդապետ Ամիրյանի, առաջնորդական փոխանորդության դահլիճում տեղի ունեցավ «Հովհաննես Թումանյան 150» խորագիրը կրող վիկտորինա, որին մասնակցում էին Ախալքալաքի «Սուրբ Խաչ» եկեղեցուն կից գործող «Սուրբ Գրիգոր Տաթևացի» մեկօրյա դպրոցի «Փարվանա» և «Անուշ» թիմերը։ Վիկտորինան իրենց գեղեցիկ խոսքով բացեցին մեկօրյա դպրոցի կրտսեր խմբի սաները, ապա հնչեցին ամենայն հայոց բանաստեղծ Հովհաննես Թումանյանի կյանքի ու ստեղծագործությունների վերաբերյալ հարցեր, որոնց թիմերը պատասխանում էին մեծ ոգևորությամբ։Վիկտորինան եզրափակվեց Թումանյանի քառյակների արտասանությամբ, ապա Արժանապատիվ Նարեկ քահանա Տիգրանյանը մասնակիցներին հանձնեց պատվոգրեր։
Սամցխե-Ջավախքի և Ծալկայի ընդհանուր առաջնորդական փոխանորդության մամլո դիվան
