Ադրբեջանը ականանետից գնդակոծել է Արցախի գյուղերից մեկը
Մարտի 8-ին՝ ժամը 23:00-ի սահմաններում, Արցախի Ասկերանի շրջանի Խրամորթ գյուղի մոտ ադրբեջանական զինուժը հերթական անգամ խախտել է հրադադարի պահպանման ռեժիմը, հայտնում է Արցախի ՊԲ-ն։
Հակառակորդը 60 մմ ականանետից գյուղի ուղղությամբ արձակել է 3 ական։
Հայկական կողմից զոհեր և վիրավորներ չկան։
Հրադադարի ռեժիմի խախտման մասին զեկուցվել է ՌԴ խաղաղապահ ուժերի հրամանատարությանը։
