Վրաստան ավտոներկրողներին հորդորել են ժամանակին ավարտել մեքենաների մաքսազերծումը
«Եկամուտների ծառայությունը ևս մեկ անգամ բացատրում է, որ Վրաստանի գործող օրենսդրության համաձայն՝ Վրաստանի մաքսային տարածք ներմուծված և երկրում չգրանցված տրանսպորտային միջոցի գրանցման վայր կամ մաքսային հսկողության այլ գոտի առաքման ժամկետը կազմում է 60 օրացուցային օրեր»,-նշել են նախարարությունից։
Միևնույն ժամանակ ժամկետը կարող է երկարաձգվել ևս 30 օրով (օրական 5 լարի), իսկ Վրաստանի մաքսային տարածքից վերաարտահանման համար հայտարարված տրանսպորտային միջոցը հետ կանչելու ժամկետը կազմում է 45 օրացուցային օր՝ գրանցումից հետո։
Ժամկետները գերազանցելը մաքսային իրավախախտում է, սակայն COVID-19 համաճարակի ֆոնին Ֆինանսների նախարարությունը ավտոմեքենաների սեփականատերերին առաջարկել է որոշակի արտոնություններ։ Մասնավորապես, ի սկզբանե մինչև 2020 թվականի ապրիլի 1-ը Վրաստանի տարածք ներմուծված տրանսպորտային միջոցների մաքսազերծման վերջնաժամկետ էր սահմանվել մինչև 2020 թվականի սեպտեմբերի 1-ը։ Այնուհետև արտոնությունները կիրառվել են այն մեքենաների վրա, որոնք Վրաստան են մտել մինչև 2020 թվականի մայիսի 1-ը, և մաքսազերծումը, արդյունքում, երկարացվել է մինչև 2021 թվականի հունիսի 1-ը։
Դեռևս գրանցված են մեքենաներ, որոնց նկատմամբ մաքսազերծման ժամկետները խախտվել են և հարկային պարտավորությունները չեն կատարվել։
«Մաքսային վարչությունը հաշվի առնելով խախտումները, անհատ իրավախախտների գործերը փոխանցել է քննչական մարմիններին»,- հայտնում են Եկամուտների ծառայությունից։
Վիճակագրության համաձայն՝ համաճարակի ֆոնին Վրաստանում ավտոմեքենաների ներմուծման աճը չի դադարել։ Մասնավորապես, 2019 թվականին հանրապետություն է ներկրվել 56 325 ավտոմեքենա,
2020 թվականին՝ 61 141 մեքենա, իսկ 2021 թվականին՝ 76 956 մեքենա։
