Վաշինգտոնը հրադադարի հասնելու վերջին փուլում է. Զելենսկի

Վոլոդիմիր Զելենսկին անդրադարձել է ռուս-ուկրաինական կարգավորմանը, բողոքել, որ ռուսական կողմը «վատ դիվանագիտությամբ» է զբաղվում:

Նա պնդել է՝ հրադադարի համար չեն կարող լինել նախապայմաններ: «Իսկ կրակը դադարեցնելուց հետո կարող ենք խոսել ցանկացած ձևաչափով:

Տեղեկություններ ունենք, որ Վաշինգտոնը հրադադարի հասնելու վերջին փուլում է։ Ակնկալվում է, որ հակառուսական պատժամիջոցները կուժեղացվեն»,- հավելել է Ուկրաինայի նախագահը:

Զելենսկին տեղեկացրել է, որ Կիևն աշխատում է գործընկերների, մասնավորապես՝ Ֆրանսիայի և Մեծ Բրիտանիայի հետ, քննարկվում են դաշնակիցների հնարավոր մասնակցությունը Ուկրաինայի հակաօդային պաշտպանության հզորացման գործում և ներկայությունը՝ գետնին և օդում։

Նա մեկնաբանել է Ուկրաինայի նկատմամբ Դոնալդ Թրամփի սահմանած մաքսատուրքերը, նշել՝ ԱՄՆ-ի հետ ապրանքաշրջանառության ծավալն ընդամենը 3,5 միլիարդ դոլար է, ուստի ամերիկյան տուրքերը չեն ազդի ո՛չ Ուկրաինայի տնտեսության, ո՛չ էլ ռազմական մատակարարումների վրա։