Յոթի խմբի երկրները վերահաստատել են աջակցությունն Ուկրաինային
Յոթի խմբի հանդիպումից հետո Կանադայի, Ֆրանսիայի, Գերմանիայի, Իտալիայի, Ճապոնիայի, Մեծ Բրիտանիայի, ԱՄՆ-ի արտգործնախարարները և ԵՄ բարձր ներկայացուցիչը հանդես են եկել համատեղ հայտարարությամբ, վերահաստատել աջակցությունն Ուկրաինային, նրա տարածքային ամբողջականությանը, ինքնիշխանությանը և գոյության իրավունքին:
Պաշտոնյաները բարձր են գնահատել հրադադարի ուղղությամբ ջանքերը և ռազմական գործողությունները դադարեցնելու Ուկրաինայի պատրաստակամությունը: Նախարարները կոչ են արել Մոսկվային՝ հետևել Կիևի օրինակին:
Քննարկվել են Ռուսաստանի դեմ հնարավոր սահմանափակումները, այդ թվում՝ նավթային ոլորտում, եթե հրադադարի համաձայնություն ձեռք չբերվի:
Նրանք նաև ընդգծել են անվտանգության ամուր մեխանիզմներ ստեղծելու անհրաժեշտությունը, որ Ուկրաինան ապագայում կարողանա դիմակայել հնարավոր նոր ագրեսիաներին:
