Հայ գերիների վերադարձի հարցում միջնորդությունը Վրաստանի քաղաքականության հաղթանակն է. Ղարիբաշվիլի
![Հայ գերիների վերադարձի հարցում միջնորդությունը Վրաստանի քաղաքականության հաղթանակն է. Ղարիբաշվիլի Հայ գերիների վերադարձի հարցում միջնորդությունը Վրաստանի քաղաքականության հաղթանակն է. Ղարիբաշվիլի](https://mediaanalytic.org/wp-content/uploads/2021/06/200-200-302765-mg-4268.jpg)
Մեր քաղաքականության առանցքային հաղթանակը Ադրբեջանում պահվող հայ ռազմագերիների ազատ արձակման մասին համաձայնության ձեռքբերումն է, որը հնարավոր դարձավ Վրաստանի միջնորդության եւ ԱՄՆ-ի աջակցության շնորհիվ: Այս մասին հայտարարել է Վրաստանի վարչապետ Իրակլի Ղարիբաշվիլին՝ տարեկան զեկույց ներկայացնելով խորհրդարանին, գրել է Aliq.ge-ն:
Նրա խոսքով՝ ռազմագերիների վերադարձը աննախադեպ իրադարձություն էր, որն ընդգծում է Վրաստանի առանձնահատուկ դերը տարածաշրջանում խաղաղության ապահովման գործում: Կառավարության ղեկավարը նշել է, որ Լեռնային Ղարաբաղի պատերազմը որոշակի դժվարություններ է առաջացրել ամբողջ տարածաշրջանի համար: Նա ընդգծել է, որ Վրաստանի համար կարեւոր է հարեւան երկրներում խաղաղությունն ու կայունությունը: Ղարիբաշվիլին պատրաստակամություն է հայտնել շարունակել աշխատանքը՝ հանուն համընդհանուր խաղաղության եւ կայունության: