Վրաստանի խորհրդարանը երրորդ ընթերցմամբ ընդունել է «Օտարերկրյա ազդեցության թափանցիկության մասին» օրինագիծը
![Վրաստանի խորհրդարանը երրորդ ընթերցմամբ ընդունել է «Օտարերկրյա ազդեցության թափանցիկության մասին» օրինագիծը Վրաստանի խորհրդարանը երրորդ ընթերցմամբ ընդունել է «Օտարերկրյա ազդեցության թափանցիկության մասին» օրինագիծը](https://www.1lurer.am/images/news/42/205385/l_0x26wh_786x458z_1.jpeg)
Վրաստանի խորհրդարանը երրորդ ընթերցմամբ ընդունել է «Օտարերկրյա ազդեցության թափանցիկության մասին» օրինագիծը: Կողմ է քվեարկել 84 պատգամավոր, դեմ՝ 30-ը:
Խորհրդարանում այսօրվա լիագումար նիստում օրինագծի քննարկման ժամանակ ծեծկռտուք է տեղի ունեցել: Միևնույն ժամանակ, Թբիլիսիում շարունակվում են օրինագծի ընդունման դեմ բողոքի ակցիաները: Վրաստանի նախագահ Սալոմե Զուրաբիշվիլին հայտարարել է, որ կկիրառի վետոյի իր իրավունքը:
Ավելի վաղ Վրաստանի վարչապետ Իրակլի Կոբախիձեն հայտարարել էր, որ խորհրդարանը կընդունի աղմկահարույց օրինագիծը՝ «Վրաստանի բնակչության մեծամասնության ռացիոնալ կամքին համապատասխան»: