Բլինքենը մի շարք հանդիպումներ կանցկացնի Ֆրանսիայում և Բելգիայում 02.04.2024 . Միջազգային
Միացյալ Նահանգների պետքարտուղար Էնթոնի Բլինքենը Փարիզում է: Ֆրանսիա կատարած այցից հետո ԱՄՆ պետքարտուղարը կմեկնի Բելգիա:
Պետքարտուղարության հայտարարության համաձայն՝ Բլինքենը Փարիզում կհանդիպի Ֆրանսիայի նախագահ Էմանուել Մակրոնի հետ՝ քննարկելու գլոբալ հարցեր, ներառյալ՝ Ուկրաինային աջակցությունը, Գազայում շարունակվող հակամարտությունը:
Բրյուսելում նա կմասնակցի ՆԱՏՕ-ի արտգործնախարարների հանդիպմանը, որը համընկնում է ՆԱՏՕ-ի 75-ամյակի հետ և կհանդիպի ՆԱՏՕ-ի գլխավոր քարտուղար Ենս Ստոլտենբերգի և Ուկրաինայի արտգործնախարար Դմիտրի Կուլեբայի հետ:
Նախատեսվում է նաև նրա եռակողմ հանդիպումը Հայաստանի վարչապետի և եվրահանձնաժողովի ղեկավարի հետ:
Պետքարտուղարը Բելգիայում կմասնակցի ԱՄՆ-ԵՄ Առևտրի և տեխնոլոգիաների 6-րդ խորհրդին։
