ՌԴ դիվանագիտության առաջնահերթություններն են ԱՊՀ-ի, ՀԱՊԿ-ի, ԵԱՏՄ-ի և BRICS-ի շրջանակներում կապերի ամրապնդումը. Պուտին
![ՌԴ դիվանագիտության առաջնահերթություններն են ԱՊՀ-ի, ՀԱՊԿ-ի, ԵԱՏՄ-ի և BRICS-ի շրջանակներում կապերի ամրապնդումը. Պուտին ՌԴ դիվանագիտության առաջնահերթություններն են ԱՊՀ-ի, ՀԱՊԿ-ի, ԵԱՏՄ-ի և BRICS-ի շրջանակներում կապերի ամրապնդումը. Պուտին](https://www.1lurer.am/images/news/40/196523/000000000.jpeg)
ԱՊՀ անդամ պետությունների հետ համագործակցության զարգացումը, ինչպես նաև ՀԱՊԿ-ի, ԵԱՏՄ-ի և BRICS-ի շրջանակներում կապերի ամրապնդումը անփոփոխ առաջնահերթություն է Ռուսաստանի դիվանագիտական ծառայողների համար: Այդ մասին հայտարարել է ՌԴ նախագահ Վլադիմիր Պուտինը Դիվանագիտական աշխատողի օրվա առթիվ շնորհավորական ուղերձում:
Նրա խոսքով՝ հատուկ ուշադրություն է պահանջում ԱՊՀ-ում և ընդլայնվող BRICS-ում Ռուսաստանի նախագահության հետ կապված խնդիրների և պարտականությունների որակյալ կատարումը:
Պուտինը նաև նշել է, որ «Մոսկվայի մեկուսացմանը հասնելու և նրա անվտանգությունը խարխլելու՝ Արևմուտքի փորձերի պայմաններում ՌԴ ԱԳՆ-ի առջև ծառացած են մի շարք պատասխանատու խնդիրներ»: Կրեմլի ղեկավարի խոսքով՝ ռուսական դիվանագիտությունը կոչված է «նպաստելու համաշխարհային մեծամասնության համախմբմանը՝ արդար բազմաբևեռ աշխարհակարգ կառուցելու համար»:
Ռուսաստանի Դաշնությունում դիվանագիտական աշխատողների մասնագիտական տոնը ամեն տարի նշվում է փետրվարի 10-ին:
Բաժանորդագրվեք մեր տելեգրամյան ալիքին