Մոլդովան ԵՄ-ին անդամակցելու հանրաքվե կանցկացնի առանց Մերձդնեստրի. Սանդու
Մոլդովայի՝ ԵՄ-ին միանալու վերաբերյալ հանրաքվեն տեղի կունենա առանց Մերձդնեստրի, ասել է նախագահ Մայա Սանդուն։ Նրա խոսքով՝ տարածաշրջանում ընտրատեղամասեր բացելն անհնար է, քանի որ երկրի իշխանությունները տարածքը չեն վերահսկում: Նախագահն ընդգծել է, որ Դնեստրի ձախ ափի բնակիչները կարող են քվեարկել աջ ափին գտնվող ընտրատեղամասերում։
Մոլդովայի խորհրդարանը թույլ է տվել ընտրությունների օրը հանրապետական հանրաքվեներ անցկացնել, հաղորդում է NewsMaker պորտալը։
Փաստաթղթի համաձայն՝ հանրաքվեն կարող է անցկացվել խորհրդարանական, նախագահական և տեղական ինքնակառավարման մարմինների ընտրությունների օրը։
Սանդուն ավելի վաղ հայտարարել էր, որ Մոլդովան կմիանա ԵՄ-ին Մերձդնեստրի հետ, թեև տարածաշրջանը չի ենթարկվում Քիշնևին։ Սակայն Եվրամիությունը թերահավատորեն է վերաբերվում դրան. ԵՄ արտաքին հարաբերությունների գրասենյակի ներկայացուցիչ Պետեր Ստանոն հայտարարել է, որ Մոլդովան կարող է միանալ միությանը առանց չճանաչված հանրապետության։
