Կովկասում Իրանի քաղաքականության հարցը կարևոր է. Յահյա Սաֆավի
Իրանի հոգևոր առաջնորդի ռազմական հարցերով խորհրդական Յահյա Սաֆավին IranGeo ցուցահանդեսի ժամանակ ունեցած ելույթում, անդրադառնալով Կովկասին, հայտարարել է.
«Կովկասն Իրանի համար մեծ կարևորություն ունի: Պետք է այս տարածաշրջանի աշխարհագրությունը ճանաչենք, որ հասկանանք՝ ինչ քաղաքականություն որդեգրել այս ուղղությամբ: Կովկասի հարցում մեր երկիրն այլ երկրների հետ ռազմավարական մրցակցության մեջ է, այդ իսկ պատճառով անհրաժեշտ է Հայաստանի ու Ադրբեջանի հետ ռազմավարական հարաբերություններ ունենալ:
Իրանի քաղաքականությունն ազգային անվտանգության, սահմանների, ազգային շահերի պաշտպանությունն է: Անշուշտ, գերտերությունները միջամտություններ են ունենում այս տարածաշրջանում, ուստի Կովկասում Իրանի քաղաքականության հարցը կարևոր է»:
