Իսրայելական զորքերը գրոհել են Հորդանան գետի արևմտյան ափի Ջենին քաղաքը
Իսրայելական բանակը Գազայի հատվածից բացի ռազմական գործողություններ է իրականացնում նաև Հորդանան գետի արևմտյան ափին: WAFA պաղեստինյան գործակալությունը հայտնում է, որ Իսրայելի պաշտպանության բանակը ավելի քան 50 ռազմական մեքենա և չորս բուլդոզեր է օգտագործել երեքշաբթի գիշերը պաղեստինյան Ջենին քաղաքի վրա հարձակման ժամանակ:
Ըստ գործակալության՝ քաղաքի վրայով թռել են անօդաչու թռչող սարքեր, իսրայելցի դիպուկահարները դիրքեր են զբաղեցրել մի քանի տան տանիքներում, բուլդոզերները սկսել են ոչնչացնել ենթակառուցվածքները, քաղաքի որոշ թաղամասերում անջատվել է էլեկտրականությունը։ Այդ ամենը քաղաքի մի քանի հատվածում հանգեցրել է բախումների։
Իսրայելցի զինվորականների՝ Ջենին մտնելու լուրը հաստատել են նաև իսրայելական լրատվամիջոցները։
